نائب وزيراعظم ۽ پرڏيهي وزير سينيٽر محمد اسحاق ڊار سان وقتي آمريڪي ناظم الامور زيڪري هرڪينرائيڊر جي ملاقات

اسلام آباد –  16 مارچ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار وقتي آمريڪي ناظم الامور زيڪري هرڪينرائيڊر سان ملاقات ڪئي. پرڏيهي آفيس پاران جاري بيان موجب ملاقات دوران پاڪستان ۽ آمريڪا جي ٻطرفي لاڳاپن ۽ خطي جي صورتحال جي حوالي سان جاري اڳڀرائي تي خيالن جي ڏي وٺ ڪئي وئي. نائب وزيراعظم ۽ پرڏيهي وزير سينيٽر محمد اسحاق ڊار سفارتي رابطن جي اهميت تي زور ڏنو ۽ خطي ۾ امن ۽ استحڪام جي فروغ جي فوري ضرورت کي اجاگر ڪيو.