دوحه - 24 فيبروري (اي پي پي) پاڪستان ۽ قطر بزنس ٽو بزنس لاڳاپن جي فروغ جي لاءِ ڪاروباري ادارن ۽ ڪاروباري ماڻهن جي وچ ۾ رابطن کي آسان بڻائڻ جي لاءِ خصوصي ڪوششن تي اتفاق ڪيو آهي جڏهن ته وزيراعظم محمد شهباز شريف پاڪستان ۽ قطر جي وچ ۾ اقتصادي ۽ واپاري رابطن کي مضبوط بڻائڻ ۾ قطر بزنس مين ايسوسيئيشن جي تعميري ڪردار کي ساراهيو آهي. وزيراعظم آفيس …
پاڪستان ۽ قطر بزنس ٽو بزنس لاڳاپن جي فروغ جي لاءِ ڪاروباري ادارن ۽ ڪاروباري ماڻهن جي وچ ۾ رابطن کي آسان بڻائڻ جي لاءِ خصوصي ڪوششن تي اتفاق
مزید خبریں
دوحه – 24 فيبروري (اي پي پي) پاڪستان ۽ قطر بزنس ٽو بزنس لاڳاپن جي فروغ جي لاءِ ڪاروباري ادارن ۽ ڪاروباري ماڻهن جي وچ ۾ رابطن کي آسان بڻائڻ جي لاءِ خصوصي ڪوششن تي اتفاق ڪيو آهي جڏهن ته وزيراعظم محمد شهباز شريف پاڪستان ۽ قطر جي وچ ۾ اقتصادي ۽ واپاري رابطن کي مضبوط بڻائڻ ۾ قطر بزنس مين ايسوسيئيشن جي تعميري ڪردار کي ساراهيو آهي. وزيراعظم آفيس جي ميڊيا ونگ پاران جاري بيان موجب وزيراعظم سان قطر بزنس مين ايسوسيئيشن جي وفد شيخ فيصل بن قاسم الثاني، ڪيو بي اي جي چيئرمين جي سربراهي ۾ ملاقات ڪئي. وفد جي آجيان ڪندي وزيراعظم پاڪستان ۽ قطر جي وچ ۾ اقتصادي ۽ واپاري رابطن کي مضبوط بڻائڻ ۾ قطر بزنس مين ايسوسيئيشن جي تعميري ڪردار کي ساراهيو. هن ان ڳالهه تي زور ڏنو ته پاڪستان ٻطرفي حصيداري جي هڪ اهم ٿنڀ جي طور تي نجي شعبي جي قيادت ۾ مصروفيتن کي تمام گهڻي اهميت ڏي ٿو. پاڪستان جي بهتر ٿيندڙ معاشي انگن اکرن ۽ غيرملڪي سيڙپڪاري جي سهولت لاءِ متعارف ڪرايل سڌاراجاتي قدمن تي روشني وجهندي وزيراعظم ڪيو بي اي جي ميمبرن کي انفراسٽرڪچر، لاجسٽڪس، توانائي، زراعت، ٽيڪنالاجي ۽ روانگي واپار تي ٻڌل مينوفيڪچرنگ ۾ موقعا ڳولڻ جي دعوت ڏني. هن سيڙپڪارن جي لاءِ شفافيت، ڪارڪردگي ۽ وقت سر فيصلاسازي کي يقيني بڻائڻ جي لاءِ ون ونڊو پليٽ فارم جي طور تي خصوصي سيڙپڪاري سهولت ڪائونسل (ايس آءِ ايف سي) جي ڪردار تي زور ڏنو. شيخ فيصل بن قاسم الثاني بزنس ٽو بزنس تعاون وڌائڻ ۽ پاڪستان ۾ سيڙپڪاري جا موقعا ڳولڻ ۾ دلچسپي جو اظهار ڪيو. ڌرين ويجهو رابطو برقرار رکڻ تي اتفاق ڪيو جنهن ۾ هلندڙ مهيني جي آخر ۾ پاڪ – قطر سيڙپڪاري بابت ٽاسڪ فورس جي دوحه جي ايندڙ دوري سان گڏوگڏ واپاري فورمز جي ميزباني پڻ شامل آهي ته جيئن ڳالهه ٻولهه کي ٺوس اقتصادي حصيداري ۾ تبديل ڪري سگهجي. ڌرين ٻنهي ملڪن جي ڪاروباري ادارن ۽ ڪاروباري ماڻهن جي وچ ۾ رابطن کي آسان بڻائڻ جي لاءِ خصوصي ڪوششون ڪرڻ تي اتفاق ڪيو ته جيئن ٻنهي ملڪن جي وچ ۾ بزنس ٽو بزنس لاڳاپن کي وڌائي سگهجي. ملاقات ۾ پاڪستان ۽ قطر جي پنهنجي پنهنجي نجي شعبن جي وچ ۾ مضبوط تعاون جي ذريعي واپاري ۽ سيڙپڪاري جي لاڳاپن کي وڌيڪ سگهه ڏيڻ جي گڏيل عزم جو ورجاءُ ڪيو ويو. ملاقات ۾ نائب وزيراعظم ۽ پرڏيهي وزير اسحاق ڊار، اطلاعات ۽ نشريات وارو وفاقي وزير عطاءُ الله تارڙ ۽ وزيراعظم جو خاص معاون طارق فاطمي پڻ موجود هئا.
