نائب وزيراعظم اسحاق ڊار پاران ويانا ۾ يونيڊو جي ڊپٽي ڊائريڪٽر سان گڏ يونائيٽيڊ نيشنز انڊسٽريل ڊيولپمينٽ آرگنائيزيشن ڪنٽري پارٽنرشپ پاڪستان بابت پروگرام 30 – 2026ع تي صحيحون

اسلام آباد – 17 فيبروري (اي پي پي) نائب وزيراعظم/ پرڏيهي وزير سينيٽر محمد اسحاق ڊار ويانا ۾ گڏيل قومن جي آفيس ۾ گڏيل قومن جي صنعتي ترقي جي اداري (يونيڊو) جي ڊپٽي ڊائريڪٽر جنرل يوڪو ياسوناگا سان گڏ يونائيٽيڊ نيشنز انڊسٽريل ڊيولپمينٽ آرگنائيزيشن ڪنٽري پارٽنرشپ پاڪستان بابت پروگرام 30 – 2026ع تي صحيحون ڪيون. تقريب ۾ وزيراعظم محمد شهباز شريف پڻ شرڪت ڪئي. پرڏيهي آفيس موجب اهو معاهدو يونائيٽيڊ نيشنز انڊسٽريل ڊيولپمينٽ آرگنائيزيشن يونيڊو ۽ گڏيل قومن جي وسيع تر نظام سان پاڪستان جي مضبوط وابستگي کي سگهه ڏي ٿو.