رحيم يار خان – 16 فيبروري (اي پي پي) صدر آصف علي زرداري بستي رنجهي خان جو دورو ڪيو ۽ گوپانگ قبيلي جي چيف مرحوم سردار رنجهي خان گوپانگ جي لاڏاڻي تي تعزيت ۽ فاتحه خواني ۾ شرڪت ڪئي. صدر سوڳوار خاندان سان دلي همدرديءَ ۽ تعزيت جو اظهار ڪيو ۽ مرحوم جي درجن جي بلنديءَ ۽ مغفرت جي لاءِ دعا ڪئي. هن مرحوم جي ڀاءُ سردار حبيب الرحمان خان …
صدر آصف علي زرداري جو بستي رنجهي خان جو دورو، گوپانگ قبيلي جي چيف مرحوم سردار رنجهي خان گوپانگ جي لاڏاڻي تي تعزيت جو اظهار
مزید خبریں
رحيم يار خان – 16 فيبروري (اي پي پي) صدر آصف علي زرداري بستي رنجهي خان جو دورو ڪيو ۽ گوپانگ قبيلي جي چيف مرحوم سردار رنجهي خان گوپانگ جي لاڏاڻي تي تعزيت ۽ فاتحه خواني ۾ شرڪت ڪئي. صدر سوڳوار خاندان سان دلي همدرديءَ ۽ تعزيت جو اظهار ڪيو ۽ مرحوم جي درجن جي بلنديءَ ۽ مغفرت جي لاءِ دعا ڪئي. هن مرحوم جي ڀاءُ سردار حبيب الرحمان خان گوپانگ سان پڻ ملاقات ڪئي جيڪو صوبائي اسيمبلي ميمبر (ايم پي اي) ۽ پاڪستان پيپلزپارٽي رحيم يار خان جو ضلعي صدر آهي. ان موقعي تي گوپانگ قبيلي جا معززين ۽ اڳواڻ پڻ موجود هئا. هن ان مشڪل گهڙيءَ ۾ خاندان سان گڏ بيهڻ ۽ ذاتي طور تي تعزيت ڪرڻ تي صدر جا ٿورا ادا ڪيا. هي دورو يڪجهتي، قبائلي قيادت جي احترام ۽ رحيم يار خان جي مقامي برادري سان سياسي قيادت جي مضبوط تعلق جو مظهر آهي. ان موقعي تي صدر آصف علي زرداري مرحوم سردار جي وڏي فرزند چيف سردار نورالزمان خان گوپانگ جي دستاربندي ڪئي ۽ کيس باقاعده طور تي قبائلي قيادت جو اعزاز ۽ ذميواريون ڏنيون. پنجاب جو گورنر سردار سليم حيدر، قومي اسيمبلي ميمبر مخدوم مصطفيٰ محمود ۽ پاڪستان پيپلزپارٽي ڏکڻ پنجاب جو صدر مخدوم احمد محمود پڻ ان موقعي تي موجود هئا.
