پشاور-16 فيبروري (اي پي پي) ڪشمير معاملن واري وفاقي وزير انجنيئر امير مقام چيو آهي ته موٽر وي جي بندش سبب عوام کي سخت ڏُکيائين کي مُنهن ڏيڻو پئجي رهيو آهي ۽ حڪومت کي فوري طور تي پي ٽي آءِ جي ذميدار ماڻهن خلاف ڪارروائي ڪرڻ گهرجي. امير مقام پنهنجي بيان ۾ چيو ته سوات کان اسلام آباد جي سفر دوران رستي ۾ ٻار، عورتون ۽ بيمار ماڻهو ڦاٿل هئا. …
موٽر وي بندش تي حڪومت کي فوري طور تي پي ٽي آءِ جي ذميدار ماڻهن خلاف ڪارروائي ڪرڻ گهرجي: امير مقام
مزید خبریں
پشاور-16 فيبروري (اي پي پي) ڪشمير معاملن واري وفاقي وزير انجنيئر امير مقام چيو آهي ته موٽر وي جي بندش سبب عوام کي سخت ڏُکيائين کي مُنهن ڏيڻو پئجي رهيو آهي ۽ حڪومت کي فوري طور تي پي ٽي آءِ جي ذميدار ماڻهن خلاف ڪارروائي ڪرڻ گهرجي. امير مقام پنهنجي بيان ۾ چيو ته سوات کان اسلام آباد جي سفر دوران رستي ۾ ٻار، عورتون ۽ بيمار ماڻهو ڦاٿل هئا. هن ٻُڌايو ته موٽر وي بند هئڻ سان نه صرف ماڻهو سخت ڏُکيائيون برداشت ڪري رهيا آهن پر ڪيترن ئي ماڻهن جون فلائيٽس رهجي ويون آهن ۽ اسپتال ويندڙ شهري به وقت تي پنهنجي منزل تائين نه پهچي رهيا آهن. وفاقي وزير حڪومت کان مطالبو ڪيو ته ڪي پي ڪي جي آءِ جي پوليس کي عوام کي تڪليف پهچائيندڙ ماڻهن خلاف ايف آءِ آر داخل ڪري ۽ پي ٽي آءِ جي ذميدار ماڻهن خلاف سخت ڪارروائي ڪئي وڃي. سندس چوڻ هو ته قيدين جا ڪيس عدالت ۾ وڙهيا وڃن مگر عوام کي بنا سبب ڏُکيائين کي مُنهن نه ڏيڻو پوي. امير مقام زور ڀريو ته عوام سان ٿيندڙ ظلم کي روڪيو وڃي ۽ رياست فوري ڪارروائي ڪري ته جيئن ماڻهن جي روزمره زندگي متاثر نه ٿئي.
