ويانا – 16 فيبروري (اي پي پي) وزيراعظم محمد شهباز شريف جي آسٽريا جي فيڊرل چانسلري آمد تي شاندار آجيان ڪئي وئي، وزيراعظم جي اعزاز ۾ آسٽرين چانسلري ۾ باضابطا آجياڻي واري منعقد ڪئي وئي جنهن جي شروعات تي ٻنهي ملڪن جا قومي ترانا وڄايا ويا، آسٽريا جي چانسلر ڪرسچين اسٽاڪر وزيراعظم محمد شهباز شريف جو گرمجوشي سان استقبال ڪيو ۽ کيس ڀليڪار ڪيو. ٻنهي اڳواڻن هٿ ملايو ۽ انهن …
وزيراعظم محمد شهباز شريف جي آسٽريا جي فيڊرل چانسلري آمد تي شاندار آجيان
مزید خبریں
ويانا – 16 فيبروري (اي پي پي) وزيراعظم محمد شهباز شريف جي آسٽريا جي فيڊرل چانسلري آمد تي شاندار آجيان ڪئي وئي، وزيراعظم جي اعزاز ۾ آسٽرين چانسلري ۾ باضابطا آجياڻي واري منعقد ڪئي وئي جنهن جي شروعات تي ٻنهي ملڪن جا قومي ترانا وڄايا ويا، آسٽريا جي چانسلر ڪرسچين اسٽاڪر وزيراعظم محمد شهباز شريف جو گرمجوشي سان استقبال ڪيو ۽ کيس ڀليڪار ڪيو. ٻنهي اڳواڻن هٿ ملايو ۽ انهن جي وچ ۾ خوشگوار جملن جي ڏي وٺ ٿي. آسٽرين هٿياربند فوج جي دستي وزيراعظم محمد شهباز شريف کي گارڊ آف آنر پيش ڪيو. وزيراعظم آسٽرين چانسلر سان گڏ گارڊ آف آنر جو معائنو ڪيو. آسٽريا جي چانسلر ڪابينا جي ميمبرن جو وزيراعظم محمد شهباز شريف سان تعارف ڪرايو جڏهن ته وزيراعظم پنهنجي وفد جي ميمبرن کي آسٽريا جي چانسلر ڪرسچين اسٽاڪر سان متعارف ڪرايو. وزيراعظم محمد شهباز شريف مهمانن جي ڪتاب ۾ تاثر پڻ قلمبدن ڪيا. وزيراعظم محمد شهباز شريف آسٽرين چانسلر ڪرسچين اسٽاڪر سان ٻطرفي ۽ وفدن جي سطح تي ملاقات ڪندو. وزيراعظم ۽ آسٽرين چانسلر ٻنهي ملڪن جي وچ ۾ سيڙپڪاري ۾ اضافي جي لاءِ ناليواري ڪاروبار ماڻهن جي اجلاس جي گڏيل صدارت ڪندو. وزيراعظم پاڪستان – آسٽريا بزنس فورم ۾ شرڪت ۽ خطاب ڪندو. وزيراعظم محمد شهباز شريف ويانا ۾ گڏيل قومن تحت منعقد ”پائيدار ترقي، عالمي امن ۽ خوشحالي جو رستو“ جي موضوع تي خصوصي تقريب کي پڻ خطاب ڪندو. ان کانسواءِ وزيراعظم محمد شهباز شريف انٽرنيشنل اٽامڪ انرجي ايجنسي جي ڊائريڪٽر جنرل سان پڻ ملاقات ڪندو.
