صدر پاران ڪراچي ويجهو ايم 9 موٽروي تي ٿيندڙ افسوسناڪ ٽريفڪ حادثي تي ڏک جو اظهار

اسلام آباد  -13 فيبروري (اي پي پي) صدر آصف علي زرداري ڪراچي ويجهو ايم 9 موٽروي تي ٿيندڙ افسوسناڪ ٽريفڪ حادثي تي گهري ڏک ۽ افسوس جو اظهار ڪيو آهي. ايوان صدر جي پريس ونگ پاران جاري بيان موجب صدر حادثي ۾ فوت ٿيندڙن جي مغفرت جي لاءِ دعا ڪئي ۽ انهن جي گهرڀاتين سان تعزيت جو اظهار ڪيو. صدر آصف علي زرداري زخمين جي جلد صحتيابي لاءِ دعا ڪئي ۽ سنڌ حڪومت کي هدايت ڪئي ته انهن کي فوري طبي امداد جي فراهمي يقيني بڻائي وڃي.