سينيٽ پاران اسلام آباد ڪيپيٽل ٽيريٽري سينيئر سٽيزنز (ترميمي) بل 2026ع منظور

اسلام آباد-13 فيبروري (اي پي پي) سينيٽ اسلام آباد ڪيپيٽل ٽيريٽري سينيئر سٽيزنز (ترميمي) بل 2026ع منظور ڪري ورتو، جنهن کي ان کان اڳ قومي اسيمبلي به منظور ڪري چڪي آهي. بل کي پارلياماني معاملن واري وفاقي وزير ڊاڪٽر فضل چوڌري ايوان ۾ پيش ڪيو. ان بل ذريعي اسلام آباد ڪيپيٽل ٽيريٽري سينيئر سٽيزنز ايڪٽ 2021ع ۾ ترميم ڪئي ويندي. ڊاڪٽر طارق فضل ايسوسيئيٽيڊ پريس آف پاڪستان ڪارپوريشن (ترميمي) بل 2026ع به ايوان ۾ پيش ڪيو جيڪو اڳ ئي قومي اسيمبليءَ مان منظور ٿي چڪو هو. سينيٽ بعد ۾ ان بل جي به منظوري ڏئي ڇڏي.