اسلام آباد-13 فيبروري (اي پي پي) صدر آصف علي زرداري بنگلاديش نيشنلسٽ پارٽي (بي اين پي) ۽ ان جي اڳواڻ طارق رحمان کي قومي چونڊن ۾ وڏي اڪثريت حاصل ڪرڻ ۽ ايندڙ حڪومت ٺاهڻ جو مينڊيٽ حاصل ڪرڻ تي مبارڪباد ڏني آهي. جمعي ڏينهن ايوان صدر جي پريس ونگ موجب صدر 299 سيٽن تي چونڊن جي ڪامياب انعقاد ۽ 127 ملين کان وڌيڪ رجسٽرڊ ووٽرن جي شرڪت تي بنگلاديش جي …
صدر آصف علي زرداري پاران بي اين پي اڳواڻ طارق رحمان کي چونڊن ۾ وڏي اڪثريت حاصل ڪرڻ تي مبارڪباد
مزید خبریں
اسلام آباد-13 فيبروري (اي پي پي) صدر آصف علي زرداري بنگلاديش نيشنلسٽ پارٽي (بي اين پي) ۽ ان جي اڳواڻ طارق رحمان کي قومي چونڊن ۾ وڏي اڪثريت حاصل ڪرڻ ۽ ايندڙ حڪومت ٺاهڻ جو مينڊيٽ حاصل ڪرڻ تي مبارڪباد ڏني آهي. جمعي ڏينهن ايوان صدر جي پريس ونگ موجب صدر 299 سيٽن تي چونڊن جي ڪامياب انعقاد ۽ 127 ملين کان وڌيڪ رجسٽرڊ ووٽرن جي شرڪت تي بنگلاديش جي عوام کي مبارڪباد ڏني. صدر پاڪستان جي بنگلاديش جي خودمختياري ۽ جمهوري خواهشن لاءِ حمايت کي ورجائيندي چيو ته پاڪستان نئين حڪومت سان واپار، دفاع، ثقافتي مٽاسٽا ۽ علائقائي فورمن ۾ تعاون کي مضبوط ڪرڻ لاءِ ڪم ڪرڻ جو منتظر آهي. صدر آصف علي زرداري چيو ته بنگلاديش جون چونڊون ڏکڻ ايشيا جي لاءِ گذريل مرحلن کان اڳتي وڌڻ جو هڪ موقعو آهن. انهن گذريل مرحلن ۾ علائقائي تعاون جنهن ۾ سارڪ به شامل آهي، جنهن جو قيام 1985ع ۾ بنگلاديش ۾ آندو ويو هو، ان جي باوجود ته اها تنظيم هندستان جي اثر هيٺ رهي جيڪو اڄ به هن عظيم فورم کي مفلوج ڪري رکيو آهي. هن اميد ظاهر ڪئي ته ڍاڪا ۾ نئون سياسي ماحول سڄي خطي ۾ وڌيڪ متوازن، آزاد ۽ گڏيل احترام تي ٻڌل رابطن کي فروغ ڏيندو. صدر بنگلاديش جي استحڪام، ترقي ۽ خوشحالي لاءِ نيڪ خواهشن جو اظهار پڻ ڪيو.
