پاڪستان سميت سڄي دنيا ۾ ٻارن ۾ ڪينسر جو عالمي ڏهاڙو 15 فيبروري تي ملهايو ويندو

اسلام آباد-12 جنوري (اي پي پي) پاڪستان سميت سڄي دنيا ۾ ڪينسر جو عالمي ڏهاڙو 15 فيبروري تي ملهايو ويندو. ان ڏينهن کي ملهائڻ جو مقصد عوام ۾ ان بيماري کان بچڻ لاءِ آگاهي ڏيڻ آهي. ڪينسر جي عالمي ڏينهن جي موقعي تي سڄي ملڪ جي مختلف شهرن ۾ صحت کاتي، مختلف اين جي اوز جي اهتمام هيٺ واڪس ۽ سيمينارز ۽ ٻيا پروگرام منعقد ڪيا ويندا جن ۾ ٻارن ۾ ڪينسر جي سببن ۽ دير سان علاج شروع ڪرائڻ جي نقصانن بابت ڄاڻ فراهم ڪئي ويندي،جڏهن ته ان موقعي تي پرنٽ ۽ اليڪٽرانڪ ميڊيا تي پڻ خاص پروگرام نشر ۽ مضمون شايع ڪيا ويندا.