ڀٽائي نگر ۽ حسين آباد ٿاڻن جي پوليس پاران الڳ الڳ ڪارروائيون ، 4 ڄڻا گرفتار

حيدرآباد-04 فيبروري (اي پي پي) ڀٽائي نگر ۽ حسين آباد ٿاڻن جي پوليس الڳ الڳ ڪارروائيون ڪري چئن ڄڻن کي گرفتار ڪري سندن قبضي مان جعلي ڪرنسي ۽ 6 عدد ليپ ٽاپ هٿ ڪيا آهن. ايس ايس پي حيدرآباد جي ترجمان موجب ڀٽائي نگر ٿاڻي جي پوليس الهه ڏنو مگسي، ماجد سنجراڻي ۽ محراب ڀٽي کي گرفتار ڪري سندن قبضي مان جعلي ڪرنسي هٿ ڪئي آهي جڏهن ته حسين آباد ٿاڻي جي پوليس نبيل اشرف راجپوت کي گرفتار ڪري ان جي قبضي مان چوري جا 6 ليپ ٽاپ هٿ ڪيا آهن. ترجمان موجب جوابدارن جي خلاف الڳ الڳ ڪيس داخل ڪيا ويا آهن.