گڏيل قومون-15 جنوري (اي پي پي) گڏيل قومن ۾ سعودي عرب جي مستقل نمائندي عبدالعزيز الواصل چيو آهي ته سعودي عرب جي قومي سلامتي کي خطري ۾ وجهڻ جي ڪا به ڪوشش ڳاڙهي لڪير آهي ۽ ان جو ڀرپور ۽ فيصلائتو جواب ڏنو ويندو. پرڏيهي ميڊيا موجب يمن جي صورتحال جو جائزو وٺڻ لاءِ منعقد سلامتي ڪائونسل جي اجلاس کي خطاب ڪندي سعودي سفير چيو ته ملڪ جي ڏکڻ ۾ …
سعودي عرب جي قومي سلامتي کي خطري ۾ وجهڻ جي ڪا به ڪوشش ڳاڙهي لڪير آهي، ڀرپور ۽ فيصلائتو جواب ڏنو ويندو: گڏيل قومن ۾ سعودي عرب جي نمائندي پاران يمن جي صورتحال بابت سلامتي ڪائونسل جي اجلاس کي خطاب
مزید خبریں
گڏيل قومون-15 جنوري (اي پي پي) گڏيل قومن ۾ سعودي عرب جي مستقل نمائندي عبدالعزيز الواصل چيو آهي ته سعودي عرب جي قومي سلامتي کي خطري ۾ وجهڻ جي ڪا به ڪوشش ڳاڙهي لڪير آهي ۽ ان جو ڀرپور ۽ فيصلائتو جواب ڏنو ويندو. پرڏيهي ميڊيا موجب يمن جي صورتحال جو جائزو وٺڻ لاءِ منعقد سلامتي ڪائونسل جي اجلاس کي خطاب ڪندي سعودي سفير چيو ته ملڪ جي ڏکڻ ۾ مسئلن جا سماجي ۽ تاريخي رخ آهن جيڪي رڳو ڳالهين ذريعي ئي حل ٿي سگهن ٿا. هن چيو ته اسان واضح ڪريون ٿا ته اسان جي قومي سلامتي کي نقصان پهچائڻ جي ڪا به ڪوشش ڳاڙهي لڪير آهي ۽ اسان ان کي منهن ڏيڻ ۽ ان کي ختم ڪرڻ لاءِ ضروري قدم کڻڻ ۾ نه ڪيٻائينداسين. هن يمن جي صدر شاد العليمي، صدارتي قيادت ڪائونسل ۽ يمني حڪومت جي حمايت جو ورجاءُ ڪيو ته جيئن اهي ملڪ ۾ سلامتي، استحڪام، ترقي ۽ امن قائم رکي سگهن ۽ قومي اتحاد کي محفوظ رکن.هن حضر موت ۽ المهره ۾ فوجي ڪاررواين تي افسوس جو اظهار ڪيو، جيڪي سعودي عرب جي ڏکڻ واري سرحد جي ويجهو ٿيون. هن چيو ته اهي سڌي ريت سعودي عرب جي قومي سلامتي، يمن جي سلامتي ۽ خطي جي استحڪام لاءِ خطرو هيون. سعودي سفير چيو ته اهي قدم انتهائي خطرناڪ هئا ۽ يمن ۾ قانوني حڪومت کي بحال ڪرڻ لاءِ ٺاهيل اتحاد جي اصولن خلاف هئا. سياسي ڪوششن جي حوالي سان سعودي سفير چيو ته سعودي عرب يمن جي صدر شاد العليمي جي دعوت جي آجيان ڪري ٿو جنهن ۾ هن يمن جي ڏکڻ ۾ موجوده صورتحال جي منصفاني حل لاءِ رياض ۾ جامع ڪانفرنس منعقد ڪرڻ جو چيو هو، هن ٻڌايو ته يمني حڪومت ۽ ڏکڻ وارن نمائندن جي سهڪار سان ڪانفرنس جي تياري شروع ٿي چڪي آهي جيڪا ٻنهي ملڪن جي ويجهي لاڳاپن ۽ يمن ۾ استحڪام جي گڏيل مفادن جي عڪاسي ڪري ٿي. سعودي سفير سمورن ڏکڻ وارين ڌرين تي زور ڀريو ته هو ڳالهين ۾ فعال ۽ تعميري طور تي حصو وٺن ته جيئن جامع ۽ منصفاڻو حل ڳولي سگهجي جيڪو ڏکڻ يمن جي عوام جي جائز خواهشن کي پورو ڪري.
