نائب وزيراعظم محمد اسحاق ڊار جو ملائيشيا جي پرڏيهي وزير سان ٽيليفونڪ رابطو

اسلام آباد-04 ڊسمبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار ملائيشيا جي پرڏيهي وزير محمد بن حاجي حسن سان ٽيليفونڪ ڳالهه ٻولهه ڪئي آهي. پرڏيهي آفيس مان جاري بيان مطابق ٻنهي اڳواڻن ٻه طرفن لاڳاپن جي موجوده صورتحال جو جائزو ورتو ۽ مختلف شعبن ۾ سهڪار کي وڌيڪ هٿي وٺرائڻ جي گڏيل عزم جو ورجاءُ ڪيو. هنن تازي اڳڀرائي جنهن ۾ ايشيا ۽ وچ اوڀر جي بدلجندڙ صورتحال تي به ڳالهيون ڪيون. ٻنهي اڳواڻن مسلسل مشاورت جي اهميت تي زور ڀريو ۽ سمورين سطحن تي ويجهن رابطن ۾ رهڻ تي اتفاق ڪيو.