بحرين، ڪولمبيا، ڪانگو، لاتويا ۽ لائبيريا گڏيل قومن جي سيڪيورٽي ڪائونسل جا غير مستقل ميمبر بڻجي ويا

گڏيل قومون -03 جنوري (اي پي پي) بحرين ، ڪولمبيا، ڪانگو، لاتويا ۽ لائبيريا گڏيل قومن جي سيڪيورٽي ڪائونسل جي غير مستقل ميمبر بڻجي ويا.  بحرين ، ڪولمبيا، ڪانگو، لاتويا ۽ لائبيريا گڏيل قومن جي سيڪيورٽي ڪائونسل ۾  غير مستقل ميمبرن طور پنهنجون سيٽون سنڀالي ورتيون. انهن ملڪن جو بن سالن جو مدو رسمي طور تي پهرين جنوري کان شروع ٿيو هو، ان ڪري جمعي تي 15 ميمبرن واري ڪائونسل لاءِ 2026ع جو  پهريون ورڪنگ ڏينهن هو، جيڪو ڪرسمس ۽ نئين سال جي موڪلن کان پوءِ منعقد ٿيو. اهي پنج نوان غير مستقل ميمبر پاڪستان، ڊينمارڪ، يونان، پاناما ۽ سوماليه سان شامل ٿيا، جيڪي 2026ع جي آخر تائين خدمتون انجام ڏيندا. ان کان علاوه ڪائونسل ۾ پنج مستقل ميمبر ملڪن چين، فرانس، روس، برطانيه ۽ آمريڪا به موجود آهن، جن کي ويٽو جو حق حاصل آهي. نون ميمبرن جون ذميواريون سنڀالڻ جي موقعي تي هڪ  جهنڊو لڳائڻ جي تقريب به منعقد ٿي. گڏيل قومن جي چارٽر تحت سيڪيورٽي ڪائونسل عالمي امن ۽ سلامتي برقرار رکڻ جي بنيادي ذميوار  آهي ۽ اها واحد باڊي آهي جنهن سان فيصلا سمورن ميمبر ملڪن تي قانون طور لازم آهن. ڪائونسل تڪرارن جي جاچ ڪري سگهي ٿي. ڌرين کان تڪرار جي حل جو مطالبو به ڪري سگهي ٿي، پابنديون مڙهي سگهي ٿي، امن قائم رکڻ لاءِ مشن جي اجازت ڏئي سگهي ٿي ۽ خاص حالتن ۾ طاقت جي استعمال جي به منظوري ڏئي سگهي ٿي. ان جا ٺهراءَ هٿياربند تڪرارن، دهشتگردي ۽ ايٽمي هٿيارن جي روڪٿام تي عالمي رد عمل جي شڪل ڏين ٿا.