نائب وزيراعظم اسحاق ڊار جي پرڏيهي وزارت جي دوري تي آيل 53هين ڪامن ٽريننگ پروگرام جي پروبيشنري آفيسرن سان ملاقات

اسلام آباد – 02 جنوري (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار پرڏيهي وزارت جي دوري تي آيل 53هين ڪامن ٽريننگ پروگرام جي پروبيشنري آفيسرن سان ملاقات ۽ ڳالهه ٻولهه ڪئي. وفد جي قيادت ڊائريڪٽر جنرل سول سروسز اڪيڊمي لاهور ڪئي. ان موقعي تي پرڏيهي سيڪريٽري پڻ موجود هئي. پرڏيهي آفيس پاران جاري بيان موجب پنهنجي خطاب ۾ نائب وزيراعظم ۽ پرڏيهي وزير پاڪستان جي اهم قومي ترجيحن تي زور ڏنو ۽ نوجوان آفيسرن کي هدايت ڪئي ته اهي لڳاءُ ۽ ديانتداري سان ملڪ جي خدمت ڪن ۽ پيشيواراڻي معيار جي اعليٰ ترين قدرن کي برقرار رکن.