ڪراچي-19 ڊسمبر (اي پي پي)سنڌ حڪومت عورتن لاءِ هڪ ٻيو اهم قدم کڻندي شاگردياڻين ۽ ملازمت پيشه عورتن کي اسڪوٽي هلائڻ جي تربيت ڏيڻ جو پروگرام شروع ڪري ڇڏيو آهي۔ سنڌ انفارميشن جي جاري ڪيل پريس رليز موجب سنڌ جي سينئر وزير ۽ اطلاعات، ٽرانسپورٽ ۽ ماس ٽرانزٽ واري صوبائي وزير شرجيل انعام ميمڻ چيو آهي ته ڪراچي جي ڪورنگي، گلشنِ اقبال ۽ ملير علائقن ۾ تربيت شروع ٿي چڪي …
سنڌ حڪومت پاران عورتن لاءِ اسڪوٽي هلائڻ جو تربيتي پروگرام شروع
مزید خبریں
ڪراچي-19 ڊسمبر (اي پي پي)سنڌ حڪومت عورتن لاءِ هڪ ٻيو اهم قدم کڻندي شاگردياڻين ۽ ملازمت پيشه عورتن کي اسڪوٽي هلائڻ جي تربيت ڏيڻ جو پروگرام شروع ڪري ڇڏيو آهي۔ سنڌ انفارميشن جي جاري ڪيل پريس رليز موجب سنڌ جي سينئر وزير ۽ اطلاعات، ٽرانسپورٽ ۽ ماس ٽرانزٽ واري صوبائي وزير شرجيل انعام ميمڻ چيو آهي ته ڪراچي جي ڪورنگي، گلشنِ اقبال ۽ ملير علائقن ۾ تربيت شروع ٿي چڪي آهي، جڏهن ته ڪراچي جي سڀني ضلعن ۾ پنڪ اسڪوٽي لاءِ درخواست ڏيندڙ ورڪنگ وومين کي خاص طور تي همٿايو ويندو۔ هن چيو ته حيدرآباد ۾ اسڪوٽي هلائڻ جي تربيت 18 ڊسمبر کان شروع ٿي چڪي آهي، جڏهن ته سنڌ جي ٻين شهرن سکر، لاڙڪاڻو، شهيد بينظير آباد ۽ ميرپورخاص ۾ پڻ جلد تربيت جو آغاز ڪيو ويندو۔ هن جو چوڻ هو ته اسڪوٽي هلائڻ جي تربيت محفوظ رائيڊنگ لاءِ ڏني پئي وڃي، اسڪيم جو مقصد عورتن جي محفوظ ۽ آسان آمدورفت کي هٿي ڏيڻ آهي، جڏهن ته عورتن کي بااختيار بڻائڻ سنڌ حڪومت جي اولين ترجيحن ۾ شامل آهي۔ شرجيل انعام ميمڻ چيو ته عورتن جي خودمختياري صرف معاشي نه پر سماجي آزادي سان به جڙيل آهي، محفوظ سفري سهولتون مهيا ڪرڻ کان سواءِ عورتن کي عملي طور بااختيار نٿو بڻائي سگهجي۔ هن وڌيڪ چيو ته اسڪوٽي تربيت پروگرام عورتن لاءِ خوداعتمادي، خودانحصاري ۽ عملي آزادي ڏانهن هڪ اهم قدم آهي، جنهن مان شاگردياڻيون ۽ ملازمت پيشه عورتون فائدو حاصل ڪري سگهن ٿيون.
