ڪجهه اخبارن ۽ سوشل ميڊيا تي شايع ٿيل حج جي خادمن بابت اشتهار ڪوڙا آهن: مذهبي معاملن واري وزارت جو ترجمان

اسلام آباد-11 ڊسمبر (اي پي پي) مذهبي معاملن واري وزارت ڪجهه اخبارن ۽ سوشل ميڊيا تي شايع ٿيل حج جي خادمن بابت اشتهار کي ڪوڙو قرار ڏنو آهي. ترجمان پنهنجي بيان ۾ چيو ته ڪجهه ماڻهو حج جي خادمن جي نالي سان اخبارن ۽ سوشل ميڊيا تي اشتهار شايع ڪري رهيا آهن. هن چيو ته عوام کي اطلاع ڏنو وڃي ٿو ته پشاور جي هڪ ڏينهن شايع ٿيندڙ اخبار ۾ 8 ڊسمبر 2025ع تي حج جي خادمن جو اشتهار هڪ جعلي ڪمپنيءَ جو آهي، ان ۾ داخل بيورو آف اميگريشن ۽ اوورسيز ايمپلائمينٽ جو رجسٽريشن نمبر ۽ ٻيا انگ اکر ڪوڙا آهن. عوام اهڙن ڌُرين کان هوشيار رهي، لاڳاپيل سرڪاري ادارن جي ويب سائٽس تان رجسٽريشن جي تصديق لازمي ڪن. واٽس اپ نمبر بدران هميشه لينڊ لائن نمبر تي رابطو ڪن. شڪايت جي صورت ۾ قانون لاڳو ڪندڙ ادارن سان رابطو ڪن. وزارت ڄاڻايل اشتهار جي ذميدارن خلاف قانوني ڪارروائي شروع ڪري ڇڏي آهي.