اسلام آباد-08 ڊسمبر (اي پي پي) قومي اسيمبلي سيڪريٽريٽ مخالف ڌر جي چيف وهپ ملڪ عامر ڊوگر کي خط جاري ڪيو آهي جنهن ۾ اڳوڻي مخالف ڌر جي اڳواڻ عمر ايوب خان جا ڪيس عدالت ۾ التوا هيٺ نه هئڻ سبب لکت ۾ وضاحت طلب ڪئي وئي آهي. قومي اسيمبليءَ جي ترجمان موجب خط ۾ ملڪ عامر ڊوگر سان مخالف ڌر جي اڳوڻي قائد بابت عدالت ۾ ٻُڌڻيءَ هيٺ ڪيسن …
قومي اسيمبلي سيڪريٽريٽ پاران مخالف ڌر جي چيف وهپ ملڪ عامر ڊوگر کي خط جاري
مزید خبریں
اسلام آباد-08 ڊسمبر (اي پي پي) قومي اسيمبلي سيڪريٽريٽ مخالف ڌر جي چيف وهپ ملڪ عامر ڊوگر کي خط جاري ڪيو آهي جنهن ۾ اڳوڻي مخالف ڌر جي اڳواڻ عمر ايوب خان جا ڪيس عدالت ۾ التوا هيٺ نه هئڻ سبب لکت ۾ وضاحت طلب ڪئي وئي آهي. قومي اسيمبليءَ جي ترجمان موجب خط ۾ ملڪ عامر ڊوگر سان مخالف ڌر جي اڳوڻي قائد بابت عدالت ۾ ٻُڌڻيءَ هيٺ ڪيسن جي تازي صورتحال گهُري آهي. مخالف ڌر طرفان سيڪريٽريٽ کي آگاهه ڪيو ويو آهي ته عمر ايوب خان جا ڪيس التوا هيٺ ناهن، جڏهن ته ان جي لکت ۾ تصديق ناهي ڪئي وئي. مخالف ڌر اڳواڻ جي نامزدگيءَ جو عمل مڪمل ڪرڻ لاءِ لکت واري ڄاڻ ضروري آهي. خط ۾ چيف وهپ مخالف ڌر سان اڳوڻي مخالف ليڊر بابت عدالت ۾ التوا هيٺ ڪيسن جي موجوده صورتحال فراهم ڪرڻ جي درخواست ڪئي وئي آهي. عمر ايوب خان جي انهن ڪيسن ۾ سيڪريٽريٽ کي ڌُر طور شامل ڪيو ويو آهي. مخالف ڌر اڳواڻ جي مقرري جو مقرر طريقيڪار لکت واري تصديق وصول ٿيڻ تي اڳتي وڌائي سگهجي ٿو. ترجمان موجب چيف وهپ مخالف ڌر کي چيو ويو آهي ته معاملي جي جلد تڪميل لاءِ گهربل دستاويز جاري ڪيا وڃن.
