خادم الحرمين الشريفين پاران 13 نومبر تي نماز استسقا ادا ڪرڻ جي اپيل

اسلام آباد -11 نومبر (اي پي پي) خادم الحرمين الشريفين شاهه سلمان بن عبدالعزيز 13 نومبر تي سڄي ملڪ ۾ نماز استسقا ادا ڪرڻ جي اپيل ڪئي آهي. پرڏيهي ميڊيا موجب شاهي ايوان جي بيان ۾ چيو آهي، ته شاه سلمان بن عبدالعزيز رسول اڪرم صلي الله عليه وسلم جن جي سنت تي عمل ڪندي نماز استسقا ادا ڪرڻ جي هدايت ڪئي آهي. بيان ۾ چيو ويو آهي، ته هر شخص توبهه ۽ استغفار، نيڪ عمل ۽ برسات لاءِ الله تعاليٰ کان دعا گهري. ملڪ ۾ نماز استسقا مسجد الحرام، مسجد نبوي سميت سڄي ملڪ جي جامع مسجدن ۾ ادا ڪئي ويندي.