فلسطيني عوام جي آزادي، وقار ۽ خوشحالي پاڪستان جي اولين ترجيح آهي: وزيراعظم محمد شهباز شريف

شرم الشيخ – 14 آڪٽوبر (اي پي پي) وزيراعظم محمد شهباز شريف چيو آهي ته فلسطيني عوام جي آزادي، وقار ۽ خوشحالي پاڪستان جي اولين ترجيح آهي، 1967ع کان اڳ جي سرحدن تي هڪ مضبوط ۽ قابل عمل فلسطيني رياست جو قيام جنهن جو گاديءَ جو هنڌ القدس شريف هجي، پاڪستان جي وچ اوڀر پاليسي جو بنياد رهيو آهي ۽ رهندو. شرم الشيخ ۾ غزه امن اجلاس ۾ شرڪت ڪرڻ کان پوءِ وطن واپس اچڻ کان اڳ سماجي رابطن جي پليٽ فارم ايڪس تي هڪ پوسٽ ۾ وزيراعظم محمد شهباز شريف چيو ته هو شرم الشيخ ۾ غزه امن اجلاس ۾ شرڪت ڪرڻ کان پوءِ وطن واپس اچڻ لاءِ جهاز ۾ سوار ٿي رهيو آهي ۽ ممڪن طور تي هن وڏي اڳڀرائي جي نوعيت بابت پنهنجا ڪجهه تاثر شيئر ڪرڻ چاهي ٿو ته اهو ڪيئن ممڪن ٿيو ۽ پاڪستان جو ڇو ان سان ايترو گهرو تعلق رهيو آهي. وزيراعظم چيو ته پاڪستان جي پهرين ترجيح غزه ۾ نسل ڪشي جي مهم کي فوري طور تي روڪڻ هو، ٻين ڀائر ملڪن سان گڏجي ان ترجيح کي مسلسل بيان ڪيو ويو ۽ ان کي هٿي وٺرائي وئي. وزيراعظم چيو ته صدر ٽرمپ جو اسان جو ٿورو مڃڻ ان بنياد تي آهي ته هو ان کي روڪيندو ۽ هن واعدي کي پورو ڪندو. وزيراعظم چيو ته اسان صدر ٽرمپ جي امن لاءِ منفرد ڪردار جي واکاڻ ڪندا رهنداسين، فلسطيني عوام جي آزادي، وقار ۽ خوشحالي پاڪستان لاءِ بنيادي اهميت رکي ٿي. وزيراعظم چيو ته انشاءَالله، 1967ع کان اڳ جي سرحدن تي ٻڌل هڪ مضبوط ۽ قابل عمل فلسطيني رياست جو قيام جنهن جو گاديءَ جو هنڌ القدس الشريف هجي، پاڪستان جي وچ اوڀر پاليسي جو بنياد آهي ۽ رهندو.