فتنه الهندستان جا دهشتگرد مسلسل ناڪامين سبب بوکلاهٽ جو شڪار، خضدار آپريشن جي ڪاميابي تي عوام جو فورسز کي خراج تحسين

اسلام آباد-04 آڪٽوبر (اي پي پي) فتنه الهندستان جا دهشتگرد مسلسل ناڪامين سبب بوکلاهٽ جو شڪار ٿي ويا، سيڪيورٽي فورسز خضدار جي علائقي زهري ۾ پر امن ماڻهن کي هراسان ڪرڻ جي ڪوشش ناڪام بنائي ڇڏي. تفصيل مطابق سيڪيورٽي فورسز آپريشن دوران دهشتگردن جي ڪيترن ئي ٺڪاڻن کي ڪاميابي سان تباهه ڪيو. خضدار ۾ آپريشن دوران فتنه الهندستان جا 14 کان وڌيڪ دهشتگرد مارجي ويا ۽ 20 کان وڌيڪ زخمي ٿيا. اطلاعن مطابق فتنه الهندستان مسلسل ناڪامين سبب بوکلاهٽ جو شڪار آهي. خضدار جي علائقي زهري جي عوام سيڪيورٽي فورسز جي ڪامياب آپريشن کي ڀرپور ساراهيو.