اسلام آباد – 03 آڪٽوبر (اي پي پي) قومي ورثي ثقافت ڊويزن واري وفاقي وزير جي اعزازي صلاحڪار عثمان شاهه چيو آهي ته پاڪستان ۽ قازقستان وچ ۾ فنون لطيفه ۽ ثقافت جي شعبن ۾ سهڪار کي هٿي ڏني ويندي، خاص طور تي فيشن ۽ موسيقي جي شعبي تي وڌيڪ ڌيان ڏنو ويندو. انهن خيالن جو اظهار هن پاڪستان ۾ قازقستان جي سفير يرزان ڪسٽافن سان ملاقات ۾ ڪيو. ملاقات …
قومي ورثي ۽ ثقافت ڊويزن بابت وفاقي وزير جي اعزازي صلاحڪار عثمان شاهه سان قازقستان جي سفير جي ملاقات، فيشن ۽ موسيقي جي شعبن ۾ ثقافتي سهڪار وڌائڻ تي اتفاق
مزید خبریں
اسلام آباد – 03 آڪٽوبر (اي پي پي) قومي ورثي ثقافت ڊويزن واري وفاقي وزير جي اعزازي صلاحڪار عثمان شاهه چيو آهي ته پاڪستان ۽ قازقستان وچ ۾ فنون لطيفه ۽ ثقافت جي شعبن ۾ سهڪار کي هٿي ڏني ويندي، خاص طور تي فيشن ۽ موسيقي جي شعبي تي وڌيڪ ڌيان ڏنو ويندو. انهن خيالن جو اظهار هن پاڪستان ۾ قازقستان جي سفير يرزان ڪسٽافن سان ملاقات ۾ ڪيو. ملاقات ۾ قازقستان جي سفير ٻڌايو ته ان جو ملڪ پاڪستان سان ثقافتي سهڪار وڌائڻ لاءِ هڪ جامع روڊ ميپ تي ڪم ڪري رهيو آهي. هن چيو ته ان روڊ ميپ جي تفصيل جلد ئي پاڪستان سان شيئر ڪئي ويندي. سفير وڌيڪ چيو ته پاڪستان جي قومي ورثي ۽ ثقافت واري وزارت جون سينيئر اختياريون قازقستان سان گڏيل فلم ٺاهڻ جي تجويز به ڏني آهي ته جيئن ٻنهي ملڪن جي گڏيل ثقافتي رخن کي اجاگر ڪري سگهجي. ان موقعي تي عثمان شاهه چيو ته پاڪستان قازقستان سان پنهنجن لاڳاپن کي قدر جي نظر سان ڏسي ٿو ۽ عوامي رابطن کي هٿي ڏيڻ ۽ ثقافتي وفدن جي مٽا سٽا تي زور ڏئي ٿو. قازقستان جي سفير عثمان شاهه کي قازقستان جو دورو ڪرڻ جي دعوت ڏني ته جيئن هو مقامي فيشن ڊيزائنرز سان ملاقات ڪن ۽ فيشن جي شعبي ۾ سهڪار جي امڪانن تي ڳالهيون ڪن. عثمان شاهه دعوت قبول ڪندي يقين ڏياريو ته پاڪستاني فنڪارن ذريعي قازق ثقافت کي پاڪستان ۾ هٿي ڏيڻ لاءِ هر ممڪن سهڪار فراهم ڪيو ويندو.
