نائب وزيراعظم ۽ پرڏيهي وزير سينيٽر محمد اسحاق ڊار سان بيرونس نوشينه مبارڪ جي ملاقات

اسلام آباد _ 01 – آڪٽوبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سان بيرونس نوشينه مبارڪ ملاقات ڪئي. پرڏيهي آفيس پاران جاري بيان موجب هن پاڪ برطانيا ٻطرفي لاڳاپن کي مضبوط بڻائڻ، پارلياماني مٽاسٽا جي اهميت ۽ برطانيا ۾ رهندڙ پاڪستانين بابت معاملن تي خيالن جي ڏي وٺ ڪئي. بيرونس نوشينه مبارڪ پاڪستان ۾ تازي ٻوڏ متاثرين جي بحالي ۽ انهن جي مشڪلاتن جي خاتمي بابت پڻ معلوم ڪيو. نائب وزيراعظم پاڪستان ۽ برطانيا جي وچ ۾ لاڳاپن کي وڌيڪ سگهه ڏيڻ جي لاءِ بيرونس مبارڪ جي مسلسل ڪوششن کي ساراهيو.