سرنديءَ وارا ۽ عالمي ڊونر تنظيمون اڳتي اچن ۽ ٻوڏ متاثر ماڻهن کي امداد فراهم ڪن: وقتي صدر سيد يوسف رضا گيلاني

اسلام آباد – 17 سيپٽمبر (اي پي پي) وقتي صدر سيد يوسف رضا گيلاني سرنديءَ وارن ۽ عالمي ڊونر تنظيمن تي زور ڏنو آهي ته اهي اڳتي اچن ۽ ٻوڏ کان متاثر ماڻهن خاص طور تي ڏکڻ پنجاب ۾ امداد فراهم ڪن. ايوان صدر جي پريس ونگ پاران جاري بيان موجب وقتي صدر سان اڳوڻي وفاقي وزير ۽ سينيئر سياستدان سينيٽر راڻا ثناءُ الله خان ايوان صدر ۾ ملاقات ڪئي. سينيٽر بڻجڻ کانپوءِ هي سندس پهرين ملاقات هئي. ملڪ جي مجموعي سياسي ۽ امن امان جي صورتحال تي خيالن جي ڏي وٺ ڪئي وئي. هن وقت سر مدد جي اهميت تي زور ڏنو ته جيئن اهو يقيني بڻائي سگهجي ته مدد انهن ماڻهن تائين پهچي جن کي ان جي سڀ کان وڌيڪ ضرورت آهي. بعد ۾ وقتي صدر سان پاڪستان پيپلزپارٽي جي مرڪزي سيڪريٽري جنرل ۽ خيبرپختونخواهه جي ناڻي واري اڳوڻي وزير همايون خان ملاقات ڪئي جنهن کيس پارٽي جي صورتحال تي بريفنگ ڏني.