رٽائرڊ ججن جي بيواهن جي حد تائين سيڪيورٽي پروٽوڪول تي نظرثاني ڪئي وئي آهي: سپريم ڪورٽ  جو گهرو وزارت کي خط

اسلام آباد-16 سيپٽمبر (اي پي پي) سپريم ڪورٽ رٽائرڊ ججن ۽ سندن بيواهن کي تاحيات سيڪيورٽي فراهم ڪرڻ جي حوالي سان واضح ڪيو آهي ته سپريم ڪورٽ آف پاڪستان جي رٽائرڊ ججن کي سيڪيورٽي فراهم ڪرڻ بابت هڪ خط گهرو وزارت جي سيڪريٽري کي اماڻيو هو. هتي اهو واضح ڪيو وڃي ٿو ته سپريم ڪورٽ رٽائرڊ ججن جي بيواهن جي حد تائين پنهنجي سيڪيورٽي پروٽوڪول تي نظرثاني ڪئي آهي ڇاڪاڻ ته گهرو وزارت کي موڪليل لاڳاپيل خط ۾ انهن جي شموليت ڄاڻي واڻي نه هئي. سپريم ڪورٽ جي سڌ سماءَ واري شعبي جي جاري ڪيل وضاحتي بيان ۾ چيو ويو آهي ته بيواهن جو حوالو واپس ورتو ويو آهي ڇاڪاڻ ته اهو 2018ع جي صدارتي حڪم نمبر 7 تحت نه ٿو اچي ان ڪري ان ڳالهه جي توثيق ڪئي وڃي ٿي ته سپريم ڪورٽ جا رٽائرڊ جج 2018ع جي صدارتي حڪم نمبر 7 ۽ لاڳو هجڻ جي قابل قانونن ۽ پروٽوڪول مطابق تاحيات سيڪيورٽي جا حقدار آهن، اهو استحقاق انهن جي ماضي جي عهدي جي حساس نوعيت ۽ انهن سان مسلسل سيڪيورٽي خدشن جي عڪاسي ڪري ٿو.