اسلام آباد-06 آگسٽ (اي پي پي) قومي اسيمبليءَ هڪ قرارداد منظور ڪئي آهي جنهن ۾ نام نهاد غيرت جي نالي تي قتل جي غير قانوني قدمن جي شديد مذمت ڪئي وئي آهي. قومي اسيمبليءَ جي اجلاس ۾ شاهده رحماني طرفان اها قرارداد پيش ڪئي وئي. قرارداد ۾ اهڙين ڪاررواين خلاف زيرو ٽالرنس تي زور ڀريو ويو آهي ۽ ان ڏوهه جي روڪٿام لاءِ مربوط ڪارروائي لاءِ هڪ بين الصوبائي ٽاسڪ فورس جوڙڻ جي تجويز ڏني وئي آهي. بعد ۾ ايوان قرارداد منظور ڪري ورتي.
