صدر پاران پاڪستان ڪرڪيٽ ٽيم کي ويسٽ انڊيز خلاف ٽي 20 سيريز کٽڻ تي مبارڪباد

اسلام آباد -04 آگسٽ (اي پي پي) صدر آصف علي زرداري پاڪستان ڪرڪيٽ ٽيم کي ويسٽ انڊيز خلاف ٽي 20 سيريز کٽڻ تي مبارڪباد ڏني آهي ۽ ان جي عزم، محنت ۽ ٽيم ورڪ جي تعريف ڪئي آهي. سومر تي ايوان صدر جي پريس ونگ مان جاري ڪيل بيان ۾ صدر چيو ته پاڪستاني رانديگرن شاندار ڪارڪردگي پيش ڪري دليُون کٽي ورتيُون آهن ۽ هي فتح قومي ٽيم جي سخت محنت جو نتيجو آهي. صدر آصف علي زرداري چيو ته کيس اميد آهي ته قومي ٽيم مستقبل ۾ به ڪاميابيون حاصل ڪندي رهندي.