ملڪ جي اڪثر علائقن ۾ موسم گرم ۽ شديد حبس برقرار رهڻ، پوٺوهار خطي، مٿانهين وارن ۽ جابلو علائقن ۾ تيز هوائن ۽ گجگوڙ سان برسات جو امڪان آهي: موسميات کاتو

اسلام آباد-02 آگسٽ(اي پي پي) ملڪ جي اڪثر علائقن ۾ موسم گرم ۽ شديد حبس برقرار رهڻ جو امڪان آهي، جڏهن ته پوٺوهار خطي، مٿانهين خيبر پختونخوا، گلگت بلتستان، ڪشمير ۽ ڀرپاسي وارن جابلو علائقن ۾ تيز هوائن ۽ گجگوڙ سان ڪجهه هنڌن تي برسات جو امڪان آهي. موسميات کاتي مطابق گذريل 24 ڪلاڪن دوران مٿانهين/ وچولي پنجاب، ڪشمير، مٿانهين خيبر پختونخوا ۽ زوب ۾ تيز هوائن ۽ گجگوڙ سان ڪجهه هنڌن تي برسات پئي. جڏهن ته ملڪ جي ٻين علائقن ۾ موسم گرم ۽ شديد حبس رهي. ڇنڇر ڏينهن رڪارڊ ڪيل وڌ ۾ وڌ گرمي پد دالبندين ۾ 44، نوڪنڊي ۾ 43، دادو ۽ سبي ۾ 42 ڊگري سينٽي گريڊ رڪارڊ ڪيو ويو.