تهران – 19 فيبروري (اي پي پي) ايران جي سپريم ليڊر علي خامنه اي شهرين تي زور ڏنو آهي ته هو پهرين مارچ تي ٿيندڙ پارلياماني ۽ اسيمبلي آف ايڪسپرٽس چونڊن ۾ ووٽ ڏين. چائنا گلوبل ٽيلي ويزن نيٽ ورڪ مطابق هن گذريل ڏينهن تهران ۾ اتر اولهه واري صوبي اوڀر آذربائيجان جي ماڻهن سان ملاقات دوران پارلياماني چونڊن ۾ وڌيڪ ٽرن آئوٽ تي زور ڏنو. هن ان ڳالهه تي پڻ زور ڏنو ته چونڊون ملڪ جو بنيادي ستون ۽ ملڪي سڌارن جو رستو آهن. هن چيو ته سمورن ايراني شهرين کي چونڊن ۾ حصو وٺڻ گهرجي، مسئلن جي حل لاءِ چونڊون صحيع طريقو آهن. واضح رهي ته ايران ۾ 12 هين پارلياماني ۽ اسيمبلي آف ايڪسپرٽس جون 6 هون چونڊون پهرين مارچ تي ٿينديون.
