گڏيل قومون-04 جنوري (اي پي پي)گڏيل قومن چيو آهي ته امدادي ادارن کي اتر غزه جي رهواسين کي امداد فراهم ڪرڻ کان روڪيو ويو آهي. ميڊيا رپورٽن موجب گڏيل قومن جي انساني همدردي واري اداري (او سي ايڇ اي) چيو آهي ته گڏيل قومن جي ماتحت اداري ۽ انساني همدردي جي بنياد تي ڪم ڪندڙ ٻين ادارن کي ٽن ڏينهن کان اتر غزه ۾ امداد پهچائڻ کان روڪيو ويو آهي، او سي ايڇ اي وڌيڪ چيو آهي ته امداد جي فراهمي جي اجازت نه ڏيڻ سبب اتر غزه ۾ امداد ناهي پهچي رهي، اتر غزه جا رهواسي هڪ مهيني کان وڌيڪ عرصي کان ڏکڻ غزه سان رابطي ۾ نه آهن، گڏيل قومن موجب غزه جي اتر ۾ انتهائي گهٽ انساني امداد پهچي رهي آهي ۽ محدود امدادي ٽرڪون صرف ڏکڻ سرحد ۾ داخل ٿي رهيون آهن.
