اسلام آباد – 29 – جون (اي پي پي) وزيراعظم شهباز شريف چيو آهي ته وفاقي ڪابينا افغان شهرين جي لاءِ ويزا نطام ۾ تبديلي جي منظوري ڏئي ڇڏي آهي. ويزا نظام ۾ ان سهولت جو مقصد ٻنهي ملڪن کي ويجهو آڻڻ، افغان عوام جي مدد ڪرڻ ۽ وچ ايشيا جي وسيع خطي سان ڪاروبار ۽ سيڙپڪاري کي راغب ڪرڻ آهي. پنهنجي ٽوئيٽ ۾ هن چيو ته هاڻي اسان جا سفارتخانا ان جي موجوده شهريت جي بنياد تي انهن جي ويزا درخواستن تي ڪارروائي ڪندا. افغان ڊرائيورز ۽ ٽرانسپورٽرز کي 48 ڪلاڪن جي اندر هڪ سال جي لاءِ ملٽي پل ويزا ملي ويندي. وزيراعظم چيو ته ويزا نظام ۾ ان سهولت جو مقصد ٻنهي ملڪن کي ويجهو آڻڻ، افغان عوام جي مدد ڪرڻ ۽ وچ ايشيا جي وسيع خطي سان ڪاروبار ۽ سيڙپڪاري کي راغب ڪرڻ آهي. هن چيو ته گهرو وزارت کي وڌيڪ آزادي سان پاليسي تي ڪم ڪرڻ جي هدايت ڪئي آهي.