اسلام آباد – 15 – جون (اي پي پي) وزيراعظم شهباز شريف بلوچستان سان تعلق رکندڙ آئل ٽينڪر ڊرائيور شير احمد عرف فيصل بلوچ کي خراج تحسين پيش ڪندي تمغه شجاعت جي لاءِ نامزد ڪيو آهي. وزيراعظم آفيس جي ميڊيا ونگ پاران جاري بيان موجب وزيراعظم فيصل بلوچ کي وزيراعظم هائوس اسلام آباد ۾ گهرايو. وزيراعظم بهادري جو مظاهرو ڪرڻ ۽ پنهنجي جان جي پرواهه ڪرڻ کانسواءِ ماڻهن جون زندگيون بچائڻ تي فيصل بلوچ کي خراج تحسين پيش ڪيو ۽ کيس تمغه شجاعت جي لاءِ نامزد ڪيو.
