اسلام آباد – 25 – آڪٽوبر (اي پي پي) وزيراعظم عمران خان ازبڪستان جي صدر شوڪت مرزايوف کي صدارتي چونڊن ۾ شاندار فتح تي دلي مبارڪباد ڏني آهي. پنهنجي ٽوئيٽ ۾ وزيراعظم عمران خان چيو ته منهنجي دوست ازبڪستان جي صدر شوڪت مرزايوف کي صدارتي چونڊن ۾ شاندار ڪاميابي تي مبارڪباد هجي، ڀائر ازبڪستان جي عوام پنهنجي قابل قيادت تي هڪ ڀيرو ٻيهر اعتماد جو اظهار ڪيو آهي. هن چيو ته هو پاڪستان ۽ ازبڪستان جي وچ ۾ مثبت ڳالهه ٻولهه جاري رکڻ جو خواهشمند آهي.
