اسلام آباد-22 آڪٽوبر (اي پي پي) توانائي واري وفاقي وزير حماد اظهر چيو آهي ته بجلي جي رسد واري نظام ۾ 111 ارب رپين جي وڏي سيڙپڪاري ڪئي ويندي. قومي گرڊ اسٽيشن ۾ رسد واري صلاحيت 2023ع ۾ 28750 ۽ 2024ع ۾ 31500 ميگاواٽ تائين وڌائي ويندي. پنهنجي بيان ۾ هن چيو ته سيڙپڪاري ايندڙ 3 سالن ۾ اين ٽي ڊي سي ذريعي ڪئي ويندي. سيڙپڪاريءَ کانپوءِ قومي گرڊ مان بجلي جي رسد واري صلاحيت ۾ واڌ ٿيندي. هن چيو ته قومي گرڊ جي بجلي جي رسد واري صلاحيت 2023ع ۾ 28750 ميگاواٽ ۽ 2024ع ۾ 31500 ميگاواٽ تائين وڌي ويندي. هن چيو ته 2018ع ۾ بجلي جي رسد جي صلاحيت 20811 ميگاواٽ هئي.
