اسلام آباد – 08 جولاءِ (اي پي پي) وزيراعظم عمران خان ڪورونا کي روڪڻ جي حوالي سان مثبت نتيجن تي اطمينان جو اظهار ڪندي چيو آهي ته ڪورونا جو گراف مسلسل هيٺ اچڻ تسلي بخش ڳالهه آهي، اين سي او سي جا اجلاس صوبائي گادي وارن شهرن ۾ منعقد ڪيا وڃن ۽ صوبن جي ڪوآرڊينيشن سان انتظامي قدمن کي وڌيڪ موثر بڻايو وڃي، عيدالاضحيٰ جي موقعي تي حفاظتي قدمن ۽ ايس او پيز تي سختي سان عمل ڪرايو وڃي. اهڙن خيالن جو اظهار هن پنهنجي صدارت هيٺ ڪووڊ 19 جي صورتحال جي حوالي سان جائزي اجلاس جي صدارت ڪندي ڪيو.
