اسلام آباد – 28 مارچ (اي پي پي) صدر ممنون حسين چيو آهي ته ملڪ جي بهتر مستقبل ۽ نئين نسل جي تعليم ۽ تربيت جي لاءِ هڪ جهڙن موقعن جي فراهمي ضروري آهي ته جيئن ٻارن ۾ ڪنهن قسم جي احساس محرومي پيدا نه ٿي سگهي ۽ اهي ترقي ۽ خوشحالي جي لاءِ پنهنجي جائز خواهشن موجب ڪم ڪري سگهن. هن اها ڳالهه علامه اقبال اوپن يونيورسٽي ۾ تعليم ۽ پيشيواراڻي تربيت واري وفاقي وزارت جي اهتمام هيٺ ٻارن جي شروعاتي سارسنڀال ۽ تعليم جي موضوع تي پهرين قومي ڪانفرنس جي پڄاڻي واري اجلاس کي خطاب ڪندي چئي. ان موقعي تي تعليم واري مملڪتي وزير انجنيئر محمد بليغ الرحمان ۽ ٻين پڻ خطاب ڪيو.
