اسلام آباد – 06 سيپٽمبر (اي پي پي) حريت اڳواڻ ياسين ملڪ جي گهرواريءَ مشال ملڪ چيو آهي ته والاريل ڪشمير ۾ بدترين ميڊيا بليڪ آئوٽ سبب اخبارن جون آفيسون ساڙيون پيون وڃن، سڄي ڪشميري قوم کي يرغمال بڻايو ويو آهي، والاريل ڪشمير جي شهرين جا سڀئي حق غضب ڪيا ويا آهن، ڀارتي فوج جي غنڊن ڪشميرين تي ظلم جي انتها ڪري ڇڏي آهي، ڪشمير جي سموري قومي قيادت کي نظربند ڪيو ويو آهي، پوري ڪشميري قوم پاڪستان ڏانهن ڏسي رهي آهي، پاڪستاني قوم جو جذبو ڏسي خوشي ٿيندي آهي، هاڻي ان تحريڪ کي باقاعده هلائڻو آهي. اهڙن خيالن جو اظهار هن يوم دفاع ۽ ڪشمير سان يڪجهتي جي ڏينهن جي موقعي تي قومي خابرو اداري اي پي پي جي ايمپلائيز يونين جي اهتمام هيٺ منعقد تقريب کي خطاب ڪندي ڪيو.
