ڪراچي – 10 جولاءِ (اي پي پي) وزيراعظم عمران خان چيو آهي ته هو پاڪستان جي بهتري ۽ ترقي جي مشن تي عمل پيرا آهن، پاڪستان کي قرضن جي ڌٻڻ مان ڪڍنداسين، سيڙپڪاري جي فروغ سان ملڪ کي پنهنجي پيرن تي بيهارڻ ۾ مدد ملندي، سمورا طبقا ٽيڪس نيٽ ۾ شامل ٿي پنهنجو ڪردار ادا ڪن، طاقتور جو احتساب ٿيندو ته ملڪ سدائين جي لاءِ بدلجي ويندو، قومي دولت ڦريندڙ پنهنجي بچاءُ لاءِ گڏ ٿيا آهن پر انهن کي اين آر او نه ملندو، اين آر او ڏيڻ ملڪ سان غداري جي برابر هوندو، ڪرپشن ختم ٿيندي ته ملڪ ترقي ڪندو. هن اها ڳالهه ميڊيا سان ڳالهائيندي چئي.
