لاهور – 06 جولاءِ (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته فلمون ڪنهن به معاشري جي ثقافت، قدرن ۽ تشخص کي اجاگر ڪرڻ جو اهم ذريعو هونديون آهن، وزيراعظم عمران خان جي ويزن تحت فلمي صنعت جي بحالي ۽ ترقي حڪومت جي اولين ترجيح آهي، فلمي صنعت کي درپيش مسئلن جي حل ۽ فنڪارن جي ڀلائي لاءِ سمورا قدم کنيا ويندا، پروڊيوسرز ۽ ڊائريڪٽرز سان مشاورت سان سان صنعت کي درپيش مسئلن جي حل لاءِ ٺوس حڪمت عملي جوڙي ويندي. اهڙن خيالن جو اظهار هن لاهور ۾ فلم پروڊيوسرز ۽ ڊائريڪٽرز جي هڪ وفد سان ملاقات ڪيو.
