اسلام آباد – 02 مئي (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته شهباز شريف ملڪ مان ڀڄي ويو آهي ۽ ان جو ٻيو ڀاءُ نواز شريف ملڪ مان فرار ٿيڻ جي راهه اختيار ڪرڻ جون تياريون ڪري رهيو آهي، مسلم ليگ (ن) اڄ وزيراعظم عمران خان جي بياني تي عمل ڪري پنهنجي قيادت کي بدلايو، ڪرپشن ۽ جمهوريت گڏ نٿيون هلي سگهن، عوام وزيراعظم عمران خان جي متحرڪ ۽ ولوله انگيز قيادت تي ڀرپور اعتماد ڪندي آهي ۽ کيس ملڪ جو مقبول ترين ليڊر سمجهي ٿي. اهڙن خيالن جو اظهار هن پاڪستان ٽيلي ويزن نيوز سان ڳالهائيندي ڪيو.
