اسلام آباد – 08 اپريل (اي پي پي) ڪابينا جي اقتصادي رابطا ڪميٽي طورخم جلال آباد شاهراهه تي اضافي ڪيرج وي جي تعمير لاءِ 500 ملين روپين جي فني ضمني گرانٽ جي منظوري ڏئي ڇڏي آهي. اقتصادي رابطا ڪميٽي دوائن ۽ کاڌي پيتي جي شين جي قيمتن ۾ اضافي تي گهري ڳڻتي جو اظهار ڪيو ۽ قومي غذائي تحفظ واري وزارت ۽ قومي صحت ۽ خدمتن واري وزارت کي مختلف شين جي قيمتن ۾ اضافي تي ضابطو آڻڻ لاءِ عملي قدمن جي هدايت به ڪئي. ناڻي واري وزير اسد عمر جي صدارت ۾ ڪابينا جي اقتصادي ڪميٽي جو اجلاس منعقد ٿيو.