رياض – 28 مارچ (اي پي پي) اطلاعات ۽ نشريات واري وفاقي وزير چوڌري فواد حسين سعودي ثقافت واري وزير شهزاده بندر بن عبدالله بن محمد بن فرحان سان ثقافت واري وزارت ۾ ملاقات جي ٻئي دور ۾ ڳالهه ٻولهه ڪئي. ان موقعي تي سعودي عرب ۾ پاڪستان جو سفير اعجاز راجا ۽ انٽرنل پبلسٽي ونگ جو ڊائريڪٽر سهيل علي خان پڻ موجود هئا. ملاقات ۾ ٻنهي ملڪن جي وچ ۾ فلم سازي، ڊرامن جي تياري، فنڪاري جا گڏيل موقعا ڳولڻ ۽ ورڪنگ گروپ قائم ڪرڻ تي اتفاق ڪيو ويو.
