اسلام آباد – 27 مارچ (اي پي پي) وزيراعظم عمران خان چيو آهي ته غربت جي خاتمي جي لاءِ سڀني کي گڏجي جهاد ڪرڻو آهي، غربت جي خاتمي جو ڪو هڪ فارمولو نه آهي پر اهو هڪ جامع قدمن جو گهرجائو آهي، احساس جي نالي تي غربت جي خاتمي جو پروگرام شروع ڪيو پيو وڃي جنهن جي نتيجي ۾ پاڪستان غربت مان نڪري ايندو، پٺتي پيل ۽ ڪمزور طبقن جي لاءِ 80 ارب رپين جو اضافو ڪيو پيو وڃي، رقم کي ايندڙ ٻن سالن ۾ وڌائي 120 ارب رپين تائين پهچايو ويندو. هو ڪنوينشن سينٽر ۾ پاورٽي ايليويشن ڪوآرڊينيشن ڪائونسل تحت ”احساس“ جي نالي سان غربت جي خاتمي جي جامع پروگرام جي افتتاحي تقريب کي خطاب ڪري رهيو هو.
