اسلام آباد – 23 مارچ (اي پي پي) پاڪ فوج جي ترجمان ميجر جنرل آصف غفور چيو آهي ته پاڪستان ۽ سعودي عرب جي وچ ۾ مستحڪم لاڳاپا آهن، هٿياربند فوج جي پريڊ ۾ سعودي عرب جي دستي جي شرڪت تي سعودي عرب جا ٿورا مڃون ٿا، سمورين مصروفيتن جي باوجود پاڪستان جي هٿياربند فوج شاندار پريڊ منعقد ڪئي. پريڊ گرائونڊ ۾ صحافين سان ڳالهائيندي آءِ ايس پي آر جي ڊائريڪٽر جنرل ميجر جنرل آصف غفور چيو ته پاڪستان ۽ سعودي عرب جا لاڳاپا هر لحاظ کان مستحڪم آهن.
