اسلام آباد – 20 مارچ (اي پي پي) صدر ڊاڪٽر عارف علوي چيو آهي ته 90 سيڪڙو بيمارين جو سبب ڏندن جي صفائي جو نه هجڻ آهي، حضور صه پڻ مسواڪ جي تاڪيد ڪئي آهي ۽ ان بابت ڪيتريون ئي حديثون آهن، سنت جي پيروي ۽ پاڪائي جي اهتمام سان ڏندن جي صحت بهتر ٿيندي، روزانو چڱي طرح ڏينهن ۾ ٻه ڀيرا برش جو اهتمام ڪيو وڃي. وات ۽ ڏندن جي صفائي جي عالمي ڏهاڙي جي موقعي تي پنهنجي وڊيو پيغام ۾ صدر چيو ته ڏندن جي بيمارين جي حوالي سان مون کي يقين آهي ته 90 سيڪڙو بيماريون ڏندن جي صفائي نه هجڻ جي ڪري ٿين ٿيون.
