اسلام آباد – 13 مارچ (اي پي پي) اطلاعات ۽ نشريات واري وفاقي وزير چوڌري فواد حسين ملڪ ۾ سياحتي صنعت جي فروغ ۽ معيشت جي استحڪام جي لاءِ نئين ويزا نظام کي تمام اهم فيصلو قرار ڏيندي چيو آهي ته وزيراعظم اڄ خميس ڏينهن ترڪي، چين، ملائيشيا، برطانيا ۽ يو اي اي سميت 5 ملڪن جي لاءِ اي ويزا جاري ڪرڻ جي نظام جو افتتاح ڪندو، ايندڙ مرحلي ۾ 90 ملڪن کي بزنس ويزا ۽ 35 کي ايئرپورٽ اچڻ تي ويزا جي سهولت ڏني ويندي. هن اها ڳالهه وزيراعظم آفيس ۾ وزيراعظم جي خصوصي معاون افتخار دراني سان گڏ صحافين سان ملاقات ۾ ڳالهائيندي چئي.
