اسلام آباد – 27 جنوري (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته اڄ وزيراعظم عمران خان جي قيادت ۾ تبديل ٿيل پاڪستان آهي، هڪ واضح رخ نظر اچي رهيو آهي، گذريل سال اسان سياسي منزل تائين پهتا هئاسين هن سال معاشي منزل حاصل ڪنداسين، پاڪستان هڪ خوبصورت ملڪ آهي، پاڪستان تحريڪ انصاف جي حڪومت واپار، سياحت ۽ راندين جي سرگرمين کي فروغ ڏيڻ جي لاءِ ملڪ کي پوري دنيا جي لاءِ کولڻ جي ڪوشش ڪري رهي آهي. اها ڳالهه هن دبئي ۾ صحافين سان ڳالهائيندي چئي.
