اسلام آباد – 29 آگسٽ (اي پي پي) اطلاعات ۽ نشريات واري وفاقي وزير فواد چوڌري چيو آهي ته پاڪستان اليڪٽرانڪ ميڊيا ريگيوليٽري اٿارٽي (پيمرا) ۽ پاڪستان پريس ڪائونسل کي ختم ڪري تمام جلد نئين پاڪستان ميڊيا ريگيوليٽري اٿارٽي جوڙي ويندي جيڪا اليڪٽرانڪ، پرنٽ ۽ سوشل ميڊيا کي ريگيوليٽ ڪندي، اڳوڻي حڪومت اشتهارن تي هلي رهي هئي جڏهن ته اسان ذاتي تشهير جي لاءِ سرڪاري خرچن تي مڪمل پابندي هڻي ڇڏي آهي. پارليامينٽ هائوس ٻاهران صحافين سان ڳالهائيندي اطلاعات واري وفاقي وزير چيو ته هن وقت پيمرا اليڪٽرانڪ ميڊيا ۽ پاڪستان پريس ڪائونسل پرنٽ ميڊيا جي معاملن کي ڏسي رهي آهي.
