اسلام آباد – 28 آگسٽ (اي پي پي) اطلاعات ۽ نشريات واري وفاقي وزير فواد چوڌري چيو آهي ته صدارتي چونڊن ۾ پاڪستان تحريڪ انصاف جو اميدوار ڊاڪٽر عارف علوي وڏي اڪثريت سان ڪاميابي حاصل ڪندو، وزيراعظم عمران خان سوشل ميڊيا تي سڀ کان اڳ پنهنجو اڪائونٽ بطور قومي ليڊر ٺاهيو، مخالف ڌر جي صدارتي چونڊن ۾ گڏجڻ يا اختلاف سان ڪو فرق نه پوندو. پارليامينٽ هائوس ٻاهران صحافين سان ڳالهائيندي اطلاعات ۽ نشريات واري وفاقي وزير فواد چوڌري چيو ته هاڻي سرڪاري ميڊيا مخالف ڌر پارٽين جي سرگرمين کي وڌيڪ ڪوريج ڏئي رهي آهي.
