اسلام آباد – 16 آگسٽ (اي پي پي) قانون ۽ انصاف واري نگران وفاقي وزير سيد علي ظفر وفاقي سروس ٽربيونل (ايف ايس ٽي) جي پهرين رپورٽ جي تياري تي ايف ايس ٽي جي چيئرمين ۽ ميمبرن جي ڪوششن کي ساراهيو آهي. هن اهڙن خيالن جو اظهار ايف ايس ٽي جي چيئرمين جسٽس (ر) سيد زاهد حسين سان ملاقات ۾ ڳالهائيندي ڪيو، ملاقات ۾ ايف سي ٽي چيئرمين نگران وفاقي وزير کي ٽربيونل جي رپورٽ پيش ڪئي، وفاقي وزير چيو ته فيڊرل سروس ٽربيونل وفاقي حڪومت جو اهم ادارو آهي جيڪو سرڪاري ملازمن ۽ اهلڪارن جي سروس بابت معاملن جي جوڊيشل فورم جون ذميداريون ادا ڪري رهيو آهي.
